Erian, dins l'encountrado, un roudelet de jouve, ami coume de gréu, e que nous endevenian, coume se poudié pas miés, pèr aquelo santo obro de reneissènco prouvençalo. E i'anavian dóu tout.

Nous étions, dans la contrée, un groupe de jeunes, étroitement unis, et qui nous accordions on ne peut mieux pour cette œuvre de renaissance provençale. Nous y allions de tout cœur.

Font-Segugno, au pendis dóu planestèu de Camp-Cabèu, fàcio lou Ventour, alin, e la coumbo de Vau-Cluso que se vèi à quàuqui lègo. Pren soun noum d'uno eigueto que de « seguido » rajo au pèd dóu castelet. Un delicious bouquet de roure, d'acacia e de platano, I'amago contro l'uscle dóu soulèu e dóu vènt.

Font-Ségugne, au penchant du plateau de Camp-Cabel ; regarde le Ventoux, au loin, et la gorge de Vaucluse qui se voit à quelques lieues. Le domaine prend son nom d'une petite source qui y coule au pied du castel. Un délicieux bouquet de chênes, d'acacias et de platanes le tient abrité du vent et de l'ardeur du soleil.

« Font-Segugno, dis Tavan (lou felibre de Gadagno), es encaro l'endré mounte van, lou dimenche, li calignaire dóu vilage. Aqui an l'oumbro, lou silènci, la frescour, lis escoundudo. Aqui i'a de pesquié, emé si banc de pèiro garni d'èurre. Aqui i'a de draiòu, mountant e davalant, bestort, dins lou bousquet. Aqui i'a bello visto, cant d'aucèu, murmur de fueio e risoulet de fountaniho. Pertout, subre la tepo, poudès vous asseta, rava l'amour, se sias soulet, e, se sias dous, lou faire. »

« Font-Ségugne, dit Tavan (le félibre de Gadagne), est encore l'endroit où viennent, le dimanche, les amoureux du village. Là, ils ont l'ombre, le silence, la fraîcheur, les cachettes ; il y a là des viviers avec leurs bancs de pierre que le lierre enveloppe ; il y a des sentiers qui montent, qui descendent, tortueux, dans le bosquet ; il y a belle vue ; il y a chants d'oiseaux, murmure de feuillage, gazouillis de fontaine. Partout, sur le gazon, vous pouvez vous asseoir, rêver d'amour, si l'on est seul et, si l'on est deux, aimer. »

Voulias-ti, pèr lou brès d'un raive glourious e pèr l'espandimen d'uno flour d'ideau un rode mai en favour qu'aquelo court d'amour discrèto, au miradou d'uno coustiero, au mitan di liunchour azurenco e sereno, em'un vòu de jouvènt qu'adouravon lou Bèu souto li tres espèci « Pouësìo, Amour, Prouvènço » identico pèr éli, e quàuqui damisello graciouso, afestoulido, pèr ié teni soulas !

Vouliez-vous, pour berceau d'un rêve glorieux, pour l'épanouissement d'une fleur d'idéal, un lieu plus favorable que cette cour d'amour discrète, au belvédère d'un coteau, au milieu des lointains azurés et sereins, avec une volée de jeunes qui adoraient le Beau sous les trois espèces : « Poésie, Amour, Provence », identiques pour eux, et quelques demoiselles gracieuses, rieuses, pour leur faire compagnie !

L'astre s'encapitè qu'un dimenche flouri, lou 21 de Mai 1854, en pleno primavero de la vido e de l'an, sèt d'aquéli pouèto s'anèron trouva 'nsèmble au castelet de Font-Segugno : Pau Giera, un galejaire que se signavo Glaup (pèr anagramo de Paul G.) ; Roumaniho, un proupagaire que, sènso l'èr de rèn empuravo de-longo à soun entour lou fiò sacra ; Aubanèu, que Roumaniho avié counquist à nosto lengo, e qu'au soulèu d'amour durbié, d'aquéu moumen lou fres courau de sa Mióugrano ; Mathiéu ennivouli dins li vesioun de la Prouvènço, tournado coume antan cavaleirouso e amourouso ; Brunet emé sa caro de Crist de Galilèio, pantaiant l'utoupìo d'un paradis terrèstre ; lou païsan Tavan que plega sus l'eissado, cantejavo au soulèu, coume un grihet sus uno mouto ; e Frederi tout preste pèr traire au vènt-terrau lou crid de raço, pèr ucha (coume dison li pastre de mountagno) e pèr planta sus lou Ventour lou gounfaloun.

Il fut écrit au ciel qu'un dimanche fleuri, le 21 mai 1854, en pleine primevère de la vie et de l'an, sept poètes devaient se rencontrer au castel de Font-Ségugne : Paul Giéra, un esprit railleur qui signait Glaup (par anagramme de Paul G.) ; Roumanille, un propagandiste qui, sans en avoir l'air, attisait incessamment le feu sacré autour de lui ; Aubanel, que Roumanille avait conquis à notre langue et qui, au soleil d'amour, ouvrait en ce moment le frais corail de sa grenade ; Mathieu, ennuagé dans les visions de la Provence redevenue, comme jadis, chevaleresque et amoureuse ; Brunet, avec sa face de Christ de Galilée, rêvant son utopie de Paradis terrestre ; le paysan Tavan qui, ployé sur la houe, chantonnait au soleil comme le grillon sur la glèbe ; et Frédéric, tout prêt à jeter au mistral, comme les pâtres des montagnes, le cri de race pour héler, et tout prêt à planter le gonfalon sur le Ventoux…

A taulo, se parlè mai, coume èro l'habitudo, de ço que faudrié pèr tira noste lengage dóu cativié mounte jasié, despièi que, trahissènt l'ounour de la Prouvènço, li moussu l'avien redu, pecaire, à servi mèstre. E adounc, counsiderant que, di dous darrié Coungrès, aquéu d'Arle e aquéu d'Ais, noun èro rèn sourti que faguèsse prevèire un acord pèr adurre lou reabilimen de la lengo prouvençalo ; qu'au countràri, li reformo prepausado pèr li jouine de l'escolo avignounenco se i'èron visto, encò de forço, mauvengudo e mau-vougudo, li sèt de Font-Segugno, d'uno voues, deliberèron de faire bando à despart e agantant lou le, de lou jita mounte voulien.

À table, on reparla, comme c'était l'habitude, de ce qu'il faudrait pour tirer notre idiome de l'abandon où il gisait depuis que, trahissant l'honneur de la Provence, les classes dirigeantes l'avaient réduit, hélas ! à la domesticité. Et alors, considérant que, des deux derniers Congrès, celui d'Arles et celui d'Aix, il n'était rien sorti qui fit prévoir un accord pour la réhabilitation de la langue provençale ; qu'au contraire, les réformes, proposées par les jeunes de l'École avignonnaise, s'étaient vues, chez beaucoup, mal accueillies et mal voulues, les Sept de Font-Ségugne délibérèrent, unanimes, de faire bande à part et, prenant le but en main, de le jeter où ils voulaient.

- Soulamen, diguè Glaup, d'abord que fasèn sang de-nòu, avèn besoun d'un noum nouvèu. Car, lou vesès : entre rimaire, emai trobon rèn de tout, tout acò se dis troubaire. D'autro part, i'a peréu lou mot de troubadou. Mai, usa pèr designa li pouèto d'uno epoco, aquéu noum es gausi pèr l'abus que se n'es fa. E à renouvelun fau ensigno nouvello.

- Seulement, observa Glaup, puisque nous faisons corps neuf, il nous faut un nom nouveau. Car, entre rimeurs, vous le voyez, bien qu'ils ne trouvent rien du tout, ils se disent tous trouvères. D'autre part, il y a aussi le mot de troubadour. Mais, usité pour désigner les poètes d'une époque, ce nom est décati par l'abus qu'on en a fait. Et à renouveau enseigne nouvelle !

Iéu, prenènt la paraulo, diguère :

Je pris alors la parole :

- Mis ami à Maiano, dins lou pople, i'a 'n vièi recitadis que s'es trasmés de bouco en bouco e que countèn, iéu crese, lou mot predestina.

- Mes amis, dis-je, à Maillane, il existe dans le peuple, un vieux récitatif qui s'est transmis de bouche en bouche et qui contient, je crois, le mot prédestiné.

E coumencère :

Et je commençai :

- Li sèt felibre de la Lèi, mai es nous-autre ! la taulado cridè, va pèr felibre !

- Les sept félibres de la Loi, mais c'est nous autres ! écria la tablée. Va pour félibre !

- Es pas lou tout, coulègo ! Sian li felibre de la Lèi… Mai la lèi quau la fai ?

- Ce n'est pas tout, collègues ! nous sommes les félibres de la loi… Mais, la Loi, qui la fait ?

- léu ! diguère e vous jure que, devriéu aqui metre vint an de ma vido, vole, pèr faire vèire que nosto lengo es lengo, encarta lis article de lèi que la regisson…

- Moi, dis-je, et je vous jure que, devrais-je y mettre vingt ans de ma vie, je veux, pour faire voir que notre langue est une langue, rédiger les articles de loi qui la régissent.

Drolo de causo ! sèmblo un conte ; e pamens es d'aqui, d'aquel engajamen pres en un jour de fèsto, un jour de pouësìo e d'embriagadisso, que sourtiguè l'einorme, l'achinissènt pres-fa de moun Tresor dóu Felibrige o Diciounàri de la lengo prouvençalo, ounte s'es foundu vint an d'uno carriero de pouèto.

Drôle de chose ! elle a l'air d'un conte et, pourtant, c'est de là, de cet engagement pris un jour de fête, un jour de poésie et d'ivresse idéale, que sortit cette énorme et absorbante tâche du Trésor du Félibrige ou dictionnaire de la langue provençale, où se sont fondus vingt ans d'une carrière de poète.

E quau n'en doutarié noun a que de legi lou pourtissoun de Glaup, dins l'Armana prouvençau de 1855, ounte acò's claramen counsigna coume eiçò :

« Quand auren touto lèsto la Lèi qu'un felibre adoubo e que dis, miés que noun poudès lou crèire, perqu'acò's ansin, perqu'acò's autramen, faudra bèn que res mute. »

Et qui en douterait n'aura qu'à lire le prologue de Glaup (P. Giéra) dans l'Almanach provençal de 1885, où cela est clairement consigné comme suit :

« Quand nous aurons toute prête la Loi qu'un félibre prépare et qui dit, beaucoup mieux que vous ne sauriez le croire, pourquoi ceci, pourquoi cela, les opposants devront se taire. »

En aquelo sesiho, veramen memourablo e passado au-jour-d'uei à l'estat de legèndo, se decidè la publicacioun, souto formo d'armana, d'un pichot recuei annau que sarié lou simbèu de nosto pouësìo, l'espandidou de nosto idèio, lou tra-d'unioun entre felibre, la coumunicacioun dóu Felibrige emé lou pople.

C'est dans cette séance, mémorable à juste titre et passée, aujourd'hui, à l'état de légende, qu'on décida la publication, sous forme d'almanach, d'un petit recueil annuel qui serait le fanion de notre poésie, l'étendard de notre idée, le trait d'union entre félibres, la communication du Félibrige avec le peuple.

Pièi, tout acò regla, l'on s'avisè, ma fisto, que lou 21 de Mai, dato de noste acamp, èro lou jour de Santo Estello ; e, coume li rèi Mage, recouneissènt aqui l'aflat misterious de quauco auto counjounturo, saluderian l'Estello que presidavo au brès de nosto redemcioun.

Puis, tout cela réglé, l'on s'aperçut, ma foi, que le 21 de mai, date de notre réunion, était le jour de sainte Estelle ; et, tels que les rois Mages, reconnaissant par là l'influx mystérieux de quelque haute conjoncture, nous saluâmes l'Étoile qui présidait au berceau de notre rédemption.